忙完一輪，終於都有4日假期休息下，真係好
不過能夠見到施密特牧師既生命....真係不得不讚美主...
係佢既生命就睇到何時軟弱何時剛強
一個天生殘缺的人卻成為世界級運動員....而且能自信樂觀地生存...
好開心星期六晚能夠同佢一齊食dinner, 仲攞左佢親筆簽名, 哈哈

這一陣子身心靈都忙亂了......連我自己都不知自己想什麼
昨日同左西青職員返深圳輕鬆下, 由黃牧師帶隊.....主要都係飲飲食食
我地8小時就食左3餐......不過每餐都咁好味
中間仲去左按摩.....第一次返大陸按摩....都幾驚....不過按完都幾舒服
夜晚食完飯就返香港.....落馬洲個度勁多人排隊搭車, 我地5個人搭的士, 都排左好耐!

星期日返教會崇拜.....之後同jeff影畢業相, 終於完成了一個目標啦
then同青年區既人一齊食飯，為慶祝jeff，方生請我地食....哈哈
之後同阿珊係教會傾計祈禱......我知道一切都要靠主去放下
黃昏去左running....feel relaxing!
今日都過得好充實.....充實到唔記得左做一樣重要既野....

我該用什麼態度去面對您?
我們還能回到過去嗎?
謝謝您對我的尊重
我明白一切都會劃上句號
因為您會有新的一頁
而我亦會繼續向前走
過去所發生的是事實
不過好像只有我承受著一切
而您卻遠遠的走了剩下我一人
一句對不起是否就能放下一切感受
有些事
真的．沒有如果
人生就是這樣吧

為何我總喜歡自討苦吃?

早知令到您這麼"難堪"
我就沒必要花這麼多心機

這麼用心換來卻是.........

原本想開開心心食一個飯...

不過最後我都好唔開心

係唔係我有太多既包容，所以大家就係咁笑我串我

在主裡我地唔係應該彼此相愛嗎

好似自己約餐飯黎令自己唔開心咁....真係搞笑

返到樓下都唔想歸家.......淚一直流下

想搵個人傾下....但無一個搵到.....算了....還是禱告

我知道黎緊既日子都要靠自己努力, 為自己加油

一朝早收到電話.....謝謝您，無想過半夜3點您仍在找我

放心，我一個人會好好的過，好好的為自己加油，您不用擔心!

一早係巴士傾電話又係咁喊.....返到公司同polly傾又喊...想點啊?

坦白講, 我真的不想返工......無奈卻不可以!

誰人曾照顧過我的感受?
待我溫柔吻過我傷口?

挑戰人體極限
12年之約~12人聚會~12小時相聚 --------絕!

終於係昨晚順利進行，真的感激siney咁辛苦約人, thanks a lot!
首先就去左元朗既偉記黎個燒烤樂先.....都有10人一齊燒
不過大家最失望既應該就係邵sir又放飛機了.....佢已經唔知第幾次咁樣對我地
但係大家講返好多小學時既趣事真係好搞笑, 有好多好笑既回憶
燒野食都食到我勁飽....好耐夜晚都無食過咁豐富既dinner了
原來我真係咁"賢妻良母"既咩? 謝謝您的讚賞....不過唔洗下一句咁直接就問我......
唔知點解d男仔咁鐘意問各女仔結婚未......真係奇怪.....
但根據大家既狀況....應該大家都唔洗考慮呢點住, 所以放心出黎聚會啦, 應該無炸彈收, 哈哈!

燒到11點我地就轉戰元朗neway......唱通宵k until 6點先走.....好在有mike車我地回家
有3位朋友仔係唱k時就黎左join us.....都係好耐無見, total 有12人....
琴晚真係大開眼界.....我呢d真係不識人間煙火.....
大家勁飲酒.....好似當水咁飲....都無醉.....真係crazy!
而且學到好多之前唔識既野.....獲益良多....特別鳴謝siney既詳細講解, 哈哈!
最要命係5-6點既個人show time....真係笑到肚都痛....

雖然今日仲要返崇拜, 不過琴晚真係挑戰極限
我都不知幾耐無試過玩通頂......咁難得見到大家，我相信都係值得既
期待黎緊同大家一齊去camp, 再玩再癲啦!!!!